Ыстамбұлды топан су басты

Ыстамбұлда үздіксіз жауған нөсердің арты тасқынға ұласты. Тасқын ағызып әкеткен 14 жастағы жасөспірім опат болды.

Қалада 1277 су басу дерегі мен 15 жер көшкіні тіркелген.

800-ден астам үй мен 300-ге жуық ғимаратқа су кірген.

Тасқын көліктерге дейін ағызып әкетіп, жол қозғалысын қиындатты. Кей аудандарда кептеліс деңгейі 90 пайызға дейін жеткен. Қазір адам өлімі бойынша тергеу басталды.

Апат салдарын жоюға 8 мыңға жуық маман мен 2 мың арнайы техника жұмылдырылған.

Қолайсыз күн райына байланысты бүгін қала мектептерінде сабақ тоқтады.

Құтқару және қалпына келтіру жұмыстары жалғасып жатыр