Вице-президент Президент атынан өкілдік етеді

Мемлекет басшысы Қасым-Жомарт Тоқаев Вице-президент Ерлан Қаринді қабылдап, оған бірқатар нақты міндет жүктеді.

Қабылдау барысында Мемлекет басшысы Вице-президент лауазымы Қазақстан Конституциясында бекітілгенін және мемлекеттік басқару жүйесінде ерекше мәнге ие екенін атап өтті.

Ерлан Қаринге Құрылтаймен, Үкіметпен және басқа да мемлекеттік органдармен өзара іс-қимыл кезінде Президент атынан өкілдік ету тапсырылды.

Сондай-ақ Вице-президент мемлекеттік саясаттың негізгі мәселелері бойынша Мемлекет басшысының ұстанымын жеткізуі тиіс. Осылайша Ерлан Қарин жаңа Конституция аясында қайта енгізілген Вице-президент институтының негізгі өкілеттіктерін жүзеге асыра бастады.