Тағы да шахтада кенші опат болды
Қайғылы жағдай Шығыс Қазақстанда тіркелді. KAZ Minerals компаниясы баспасөз қызметінің хабарлауынша, 1 қыркүйекке қараған түні Артемьев шахтасында тастың құлауы салдарынан мердігер ұйымының үңгушісі жарақат алып, қайтыс болған.
«Қайғылы оқиғаның мән-жайы мен себептері анықталуда, қайғылы жағдайды тергеу бойынша арнайы комиссиялар құрылды. KAZ Minerals Тобы Директорлар кеңесінің төрағасы Олег Новачук жазатайым оқиғаларды тергеуге қатысу үшін өңірге барды», — делінген хабарламада.
Компанияның хабарлауынша, KAZ Minerals Тобының басшылығы мен ұжымы қаза тапқандардың туыстары мен жақындарына қайғырып, көңіл айтады. Компания отбасыларға жан-жақты көмек көрсетеді.
Еске салсақ, кеше, 31 тамызда, компанияның «Ертіс» шахтасында 4 жұмысшы қаза тауып, біреуі ауруханаға жеткізілді.
