Жаз мезгілінде табиғат аясына шығып демалу – көпшіліктің сүйікті ісі. Алайда, таза ауадағы демалыс тек жағымды естеліктер қалдыруы үшін экологиялық жауапкершілік пен қауіпсіздік қағидаларын қатаң сақтау маңызды.
«Таза Қазақстан» жалпыұлттық экологиялық акциясы аясында мамандар табиғатқа жанашырлықпен қарауға шақырады.
Қоршаған ортаны ластағаны үшін қандай жаза бар?
Табиғатқа қамқорлықпен қарау – жоғары мәдениеттіліктің белгісі. Демалыстан кейін отырған орныңызды тазалап кету естен шықпауы тиіс. Заңбұзушылық орын алған жағдайда арнайы айыппұлдар қарастырылған:
Қоқыс тастағаны үшін: 10 АЕК (43 250 теңге) көлемінде айыппұл салынады. Егер бұл әрекет қайталанса, айыппұл мөлшері 20 АЕК-ке (86 500 теңге) дейін өседі.
Өрт қауіпсіздігін сақтамағаны үшін: 5 АЕК-тен (21 625 теңге) бастап айыппұл төлейсіз. Ереже қайта бұзылса, айыппұл 10 АЕК-ке (43 250 теңге) артады.
Табиғаттағы қауіпсіздік: Өзіңізді және жақындарыңызды қалай қорғайсыз?
Табиғат тек демалыс орны ғана емес, ол – жабайы орта. Сондықтан мына қарапайым қауіпсіздік ережелерін әрдайым жадыңызда ұстаңыз:
Отпен ойнамаңыз: Отты қараусыз қалдыру орман өртіне әкеп соқтыруы мүмкін. Өзіңіз жаққан отты міндетті түрде сөндіріп кетіңіз.
Жәндіктерден сақтаныңыз: Кенені көрсеңіз, оны қолмен ұстамаңыз және саусақпен мыжымаңыз. Денеңізді мұқият тексеріп, үлкендерге немесе мамандарға хабарласыңыз.
Бейтаныс өсімдіктерге жоламаңыз: Ормандағы белгісіз жидектерді жеуге қатаң тыйым салынады, олар улы болуы мүмкін.
Судағы қауіпсіздік: Суға жалғыз түспеңіз және арнайы рұқсат етілмеген жерлерде шомылмаңыз.
«Таза Қазақстан» акциясының нәтижелері
Елімізде басталған «Таза Қазақстан» жобасы қазірдің өзінде ауқымды нәтижелер беруде. Акция аясында 1 500-ден астам экологиялық шара өткізіліп, 2 миллион тонна қоқыс жиналды. Сонымен қатар, 5,5 миллион ағаш отырғызылды. Бұл игі бастамаға 6,5 миллионнан астам адам өз үлесін қосты.
Табиғатты қорғау – өзіңді қорғау. Келер ұрпаққа таза табиғат қалдыру үшін бірге атсалысайық!
@tiekkzЖазғы демалыс маусымында табиғат аясына шығатындар үшін ең басты ережелер мен айыппұлдарды еске саламыз. Өзіңіздің және қоршаған ортаның қауіпсіздігіне бей-жай қарамаңыз! Айыппұлдар мөлшері: — Қоқыс қалдыру: 10 АЕК (43 250 тг). Бір жыл ішінде қайталанса – 20 АЕК (86 500 тг). — Отты сөндірмей кету: 5 АЕК-тен (21 625 тг) басталады, қайталанса 10 АЕК-ке дейін өседі. Қауіпсіздік жадынамасы: — Орманда кенеден сақтаныңыз (арнайы спрей қолданыңыз, денені жауып тұратын киім киіңіз). — Бейтаныс, жабайы жидектерді жеуге болмайды. — Тек арнайы рұқсат етілген, тексерілген жағажайларда ғана шомылыңыз. Айтпақшы, «Таза Қазақстан» акциясы аясында елімізде 2 миллион тонна қоқыс жиналып, 5,5 миллион ағаш отырғызылды. Табиғатты қорғауға өз үлесімізді қосайық! Ең пайдалы әрі маңызды ақпараттарды Tiek.kz сайтынан оқыңыз!♬ оригинальный звук — Tiek ақпарат порталы
