«Үйден шықпаңыздар!»: дәрігерлер аптап ыстыққа байланысты дабыл қақты

Синоптиктер бүгін Қазақстанның басым бөлігінде ауа температурасы климаттық нормадан жоғары болатынын ескертіп, дабыл қақты.

Кейбір өңірлерде аптап ыстық +45 градусқа дейін жетуі мүмкін.

Осыған байланысты мамандар сағат 11:00 мен 17:00 аралығында аса қажет болмаса сыртқа шықпауға кеңес береді.

Дәрігерлер күннің ыстығында ашық түсті, жеңіл киім киіп, мүмкіндігінше көлеңкеде немесе салқындатқышы бар ғимараттарда болған жөн екенін айтады.

Сондай-ақ ағзаны сусыздандырмау үшін тәуліктік су мөлшерін жеткілікті көлемде ішу қажет. Бірақ суды бірден көп мөлшерде емес, аз-аздан және жиі ішкен дұрыс.