Астанада жаңа әуежайдың құрылысы 2027 жылдың маусымында басталады.
Бұл туралы Премьер-министрдің орынбасары, Ұлттық экономика министрі Серік Жұманғарин Үкімет отырысында мәлімдеді. Оның айтуынша, жобаға әлемдік деңгейдегі ірі компания тартылады.
Бұған дейін елорда әкімдігі мен Көлік министрлігі Сингапурдың Changi Airports International компаниясымен ынтымақтастық туралы келісім жасасқан. Тараптар қолданыстағы әуежайды дамыту мәселесін де қарастырған.
Әзірге ұсынылған ақпаратта жаңа әуежайдың нақты орналасатын жері, құрылыс құны мен пайдалануға беру мерзімі көрсетілмеген.
