Заң үстемдігі
Каспийдегі трагедия: лауазымды тұлғалар тергеуге алынды
30-дан астам әскери қызметшіден жауап алынды.
Каспийдегі қайғылы оқиғаға байланысты бірқатар әскери лауазымды тұлға тергеуге алынды.
Бас прокуратура мәліметінше, олар қызметіне салғырт қарап, жеке құрамның қауіпсіздігін қамтамасыз ету үшін қажетті шараларды қабылдамады деген күдікке ілінген. Сонымен қатар құтқару жұмыстары тиісінше ұйымдастырылмағаны анықталған.
30-дан астам әскери қызметшіден жауап алынды
Тергеу барысында 30-дан астам әскери қызметшіден жауап алынып, құжаттар мен бейнематериалдар тәркіленді. Қазір 12 сараптама тағайындалған.
Бас прокуратура лауазымды тұлғалардың әрекетіне толық құқықтық баға берілетінін хабарлады. Егер олардың салғырттығы адам өліміне себеп болғаны дәлелденсе, тиісті процестік шаралар қабылданады.
