Таңға дейін ұрып-соққан: Түркістан облысында маска кигендер әйелді өз үйінде азаптаған (ВИДЕО)
Түркістан облысының Ленгер қаласында түнде белгісіз адамдар әйелдің үйіне заңсыз кіріп, оны байлап, бірнеше сағат бойы ұрып-соқты деген ақпарат тараған еді.
Бұл туралы белгілі заңгер Айгүл Орынбек хабарлады. Заңгердің айтуынша, олар үй иесін таңғы беске ұрып, қинаған.
Бүгін аталмыш оқиға бойынша қылмыстық іс қозғалғаны белгілі болды.
Алдын ала мәлімет бойынша, белгісіз адамдар түнгі уақытта тұрғын үйге кіріп, әйелге дене жарақатын салған және оның ұялы телефонын алып кеткен. Зардап шегуші таңғы сағат 5:00-ге дейін үйінде байлаулы жатқан.
Қазіргі таңда әйелдің жағдайы тұрақты, денсаулығына қауіп төніп тұрған жоқ.
Полиция күдіктілерді жедел анықтап, ұстауға бағытталған жедел-тергеу шараларын жүргізіп жатыр. Оқиғаның барлық мән-жайы анықталуда.
Тергеу барысы Түркістан облысы полиция департаменті басшылығының бақылауында.
Полицияның мәліметінше, ҚР Қылмыстық-процестік кодексінің 201-бабына сәйкес, тергеуге қатысты өзге ақпарат жария етілмейді.
