Астана қаласының шеткі аумақтарында жер телімдерін беру мен көпқабатты тұрғын үйлер салуға уақытша шектеу енгізу ұсынылды. Тиісті шешім жобасы қоғамдық талқылауға шығарылды, деп хабарлайды tiek.kz.
Құжатқа сәйкес, шектеу мұқият жоспарлау жобасы жоқ, магистральдық инженерлік желілер мен әлеуметтік инфрақұрылым жеткіліксіз аумақтарға қатысты болады.
Ұсыныс бойынша тыйым мына аймақтарды қамтуы мүмкін:
К-1 айналма жолының солтүстік бөлігі;
Өндіріс тасжолы маңы;
К-1 айналма жолының солтүстік-шығыс бөлігі,
Алаш тасжолы бойы;
Астана – Қарағанды трассасы бағытындағы шығыс аумақтар.
Жоба 2035 жылға дейін қолданыста болуы мүмкін.
Бұл бастама қаланың қала құрылысы ережелерін заң талаптарына сәйкестендіру мақсатында ұсынылған. Құжат 9 наурызға дейін қоғамдық талқылауда болады.
Бұған дейін Мемлекет басшысы елордада тұрғын үй құрылысы қарқыны жоғары болғанымен, сапа мәселесіне ерекше назар аудару қажет екенін атап өткен.
