Бүгін біз әлеуметтік тұрғын үй туралы сөйлесеміз — оны қалай алуға болады, қандай қиындықтар кездеседі және кімдер бұл құқыққа ие. Біздің YouTube арнамыздың қонағы — тұрғын үй мәселелері жөніндегі заңгер Есімжанов Қайрат Хабденұлы.
Әлеуметтік тұрғын үй дегеніміз не және кімдер оны ала алады?
Әлеуметтік тұрғын үй — мемлекет тарапынан төменгі мөлшерлемемен берілетін тұрғын үй. Оны бірінші және екінші топ мүгедектері, жетімдер және әлеуметтік жағынан осал топтарға жататын азаматтар ала алады.
Әлеуметтік тұрғын үйге қанша уақыт күту керек?
Жалпы, кезек 10-15 жылға созылуы мүмкін. Бірақ зейнеткерлерге, бірінші және екінші топтағы мүгедектерге және жетімдерге басымдық беріліп, бұл мерзім қысқартылуы мүмкін.
Әлеуметтік тұрғын үй үшін төлеу керек пе?
Иә, төлеу қажет. Бірақ төлем нарықтық бағадан 10-15% аралығында белгіленеді және оны жергілікті атқарушы органдар анықтайды. Сонымен қатар, коммуналдық қызметтер үшін төлемдер де жасалады.
Әлеуметтік тұрғын үйді кейін жекешелендіруге бола ма?
Жалпы, әлеуметтік тұрғын үйді жекешелендіруге болмайды. Дегенмен, кейбір мемлекеттік бағдарламалар (мысалы, «Шаңырақ» немесе «Отбасы банк») аясында тұрғын үйді сатып алу құқығымен келісімшарт жасалып, оның жекешелендірілуі мүмкін.
Егер әлеуметтік тұрғын үй алу өтінішіңізге бас тартылса не істеу керек?
Алдымен жергілікті атқарушы органға барып, бас тарту себебін анықтаңыз. Егер сіз шешімге наразы болсаңыз және құқықтарыңыз бұзылған деп есептесеңіз, сотқа шағымдануға құқығыңыз бар. Сонымен қатар, адам құқықтары жөніндегі уәкілге және сыбайлас жемқорлыққа қарсы органдарға да жүгінуге болады.
Әлеуметтік тұрғын үйге балама қандай?
Отбасы банк бағдарламасы шеңберінде жалдамалы тұрғын үйге субсидиялар, «Шаңырақ» бағдарламасы бойынша жеңілдікті ипотека, сондай-ақ мемлекеттік басқа да бағдарламалар аясында тұрғын үйді жекешелендіру мүмкіндіктері қарастырылған.
