Мәжілістің экс-спикері Нұрлан Нигматулиннің ұлы Нұржан Нұрлановқа қатысты рейдерлік бабы бойынша іс қозғалды, деп хабарлады tiek.kz.
«Аталған факті бойынша Алматы қаласының Полиция департаментінің тергеу басқармасы ҚР ҚК 389-бабы (өзінше билік ету) бойынша алдын ала тергеу жүргізуде. Қазіргі уақытта істің барлық жағдайларын жан-жақты, толық және объективті зерттеу мақсатында тергеу әрекеттері жүргізілуде», — деп хабарлады ҚазТАГ агенттігі Ішкі істер министрлігіне сілтеме жасап.
Бұған дейін кәсіпкер Қанат Амиркин Нұржан Нұрланов өзінің «Алатаудорстройды» компаниясын тартып алып, одан айтарлықтай қаржы талап еткенін мәлімдеген болатын.
