Тасқала ауданы Атамекен ауылының тұрғындары «Волжанка» қыстағы аумағынан (елді мекеннен 18 шақырым жерде) әскери дрон табылғанын хабарлады. ZTB_kz мәліметінше жағдай бүгін 18 наурыз күні сағат 17:35 шамасында болған.
Алдын ала мәліметтер бойынша, ұшқышсыз ұшу аппаратының (ҰҰА) ұзындығы шамамен үш метр. Оқиға орнына төтенше жағдайлар қызметкерлері, аудандық әкімдік өкілдері және полиция жетті. Сондай-ақ, аудан прокуроры да хабардар етілді. Қазіргі уақытта дронның шығу тегі мен бұл аумаққа қалай келгені анықталып жатыр.
Жергілікті тұрғындардың айтуынша, осыған ұқсас жағдай 18 ақпанда да болған. Сол кезде ұзындығы 120 см дрон табылып, оның ресейлік «Орлан-10» болуы мүмкін екені болжанған. Кейін бұл оқиға бойынша қылмыстық іс қозғалған.
