Қостанай облысында Наурыз тойынан шу шықты. Науырызым ауданында полиция көкпар ұйымдастырған азаматтарға хаттама толтырып, айыппұл салған. Себебі — көкпаршылар аудан аумағында рұқсат етілмеген іс-шара ұйымдастырған, деп хабарлайды tiek.kz.
Желіде осындай ақпарат тараған соң tiek.kz сайтының тілшілері қос тарапқа хабарласып, пікірін тыңдаған еді.
Ұйымдастырушылардың айтуынша, бұл ұлттық спорттың қадамын тұсайтын әрекет.
«Үлкен қастандық деп білеміз. Мемлекет басшысының өзі әз-Наурызға айрықша мән беріп, «қатарынан он күн тойлансын!» деген бастама көтеріп отыр. Осыған байланысты өңірде ұлттық рухты оятып, көкпар берейік деген жоспар құрдық. Әкімшілікпен хабарласып, келісімін алдық. Әліміздің әр аумағынан көкпаршылар шақыртылды. Алайда дәл шешуші сәтте әкімшілік көкпар өткізуге болмайды деді. Бірақ ол кезде көкпаршыларымыз келіп қойған еді. Амалсыз Науырызым ауданында көкпар бердік. Бес команда келіп қатысты. Енді міне осы ісіміз үшін айыпты болып жатырмыз», — дейді Қостана облысы, Наурызым ауданы бойынша ат спорты федерациясының жетекшісі Әлібек Темірбаев.
Науырызым ауданының әкімі Мәди Ихтиляпов өз уәжін айтты. Аудан тұрғындары мен өзге аудан адамдарын рұқсатсыз жинағаны үшін айыппұл салынғанын айтып отыр.
«Іс-шара өткізуге арыз басқа адамнан түсті. Соны түсіну керек. ойын біткен соң жауапкершілікті басқа азамат алды. Ол — әлібек темірбаев»,- дейді аудан әкімі
Ойынды өткізуге басқа адамның атынан өтініш жазуға — бірінші өтінішке келісім берілмегені себеп екен. Сондықтан басқа адамның атынан екінші өтініш берілген. Мәселеге толық баға беру үшін төмендегі видеоны көру қажет
