Елімізде алғашқы атом электр станциясының нақты қайда салынатыны белгілі болды.
Үкіметтің шешіміне сәйкес, алғашқы АЭС Алматы облысындағы Жамбыл ауданында салынбақ.
«Алматы облысының Жамбыл ауданы – «Атом электр станциясы» ядролық қондырғысы салынатын аудан туралы шешім қабылдансын», — делінген Үкімет қаулысында. Құжат ресми түрде бүгін яғни 25 ақпанда күшіне енеді.
Елімізде АЭС салу туралы шешім 2024 жылдың 30 желтоқсанында қабылданған еді.
