Ақтауда құлаған Азербайжан ұшағын Ресейдің «Панцирь-С» зымыраны атып түсірген, деп хабарлайды tiek.kz.
Бұл мәліметті Азербайджан билігі растады. Бакуде бұл зымыранның бір фрагменті бар. Ол 25 желтоқсанда Ақтауда құлаған ұшақтан алынған.
Бұл туралы Reuters агенттігі Азербайджан үкіметіндегі дереккөзге сілтеме жасай отырып хабарлады. Ал алдын ала тергеу қорытындысында, фюзеляжындағы зақымдар сыртқы объектілердің ұшаққа енгенін айғақтайды деп көрсетілген. Бірақ онда «Панцирь-С» зениттік зымыран кешендері немесе басқа да зымырандар туралы мәліметтер жоқ.
