Референдум: Геннадий Головкин Бангкокта жүріп дауыс берді

Ұлттық олимпиада комитетінің президенті, «World Boxing» ұйымының президенті Геннадий Головкин жаңа Конституцияны қабылдау мәселесі бойынша республикалық референдумда дауыс берді.

Бангкок қаласында өтіп жатқан World Boxing Futures Cup 2026 халықаралық турниріне қатысу аясында Қазақстанның Таиландтағы Елшілігі жанындағы #453 референдум учаскесіне келіп, Қазақстан Республикасының жаңа Конституциясын қабылдау мәселесі бойынша республикалық референдумда дауыс берді.

Геннадий Головкин азаматтардың ел үшін маңызды шешімдерді қабылдауға қатысуының маңыздылығын атап өтіп, республикалық референдумның мемлекеттің одан әрі дамуы мен нығаюындағы рөліне назар аударды.