«Байтақ» жасылдар партиясы Құрылтай сайлауына 51 үміткер ұсынды

Қазақстанның «Байтақ» жасылдар партиясы Құрылтай депутаттығына 51 үміткерден тұратын партиялық тізімді бекітті.

Шешім партияның кезектен тыс съезінде бірауыздан қабылданды.

Тізімге партия төрағасы Азаматхан Әміртаймен қатар экологтар, геологтар, заңгерлер, кәсіпкерлер, дәрігерлер, мұғалімдер және инженерлер енді.

Партия мәліметінше, Құрылтай депутаттығына ұсынылған кандидаттардың құжаттары заңнамада белгіленген тәртіппен жуық арада Орталық сайлау комиссиясына жолданады.

Бұған дейін Құрылтай депутаттарын сайлауға қатысатын кандидаттар тізімін өзге саяси партиялар да бекіткен болатын. Атап айтқанда, «Ауыл» партиясы — 69, «Ақ жол» демократиялық партиясы — 63, Қазақстан халық партиясы — 72, Respublica партиясы — 76, ал Жалпыұлттық социал-демократиялық партиясы 33 кандидатты ұсынды.

Осылайша, елдегі саяси партиялар құрылтай сайлауына дайындық жұмыстарын жалғастырып жатыр.

Партия мәліметінше, Құрылтай депутаттығына ұсынылған кандидаттардың құжаттары заңнамада белгіленген тәртіппен жуық арада Орталық сайлау комиссиясына жолданады.