Каспий теңізіндегі оқу-жаттығу кезінде әскери қызметшілердің қаза болуына қатысты қылмыстық іс бойынша Әскери-теңіз күштерінің бұрынғы бас қолбасшысы Қанат Ниязбеков қамауға алынды.
Ішкі істер министрлігінің мәліметінше, 1-дәрежелі капитан қызметіне салғырт қарады деген күдікке ілінген. Ол уақытша ұстау изоляторына қамалып, кейін сот санкциясымен қамауға алынған.
Қанат Ниязбеков Қарулы күштердің Әскери-теңіз күштерінің бас қолбасшысы қызметінен 3 қазанда босатылған болатын.
Қазір сотқа дейінгі тергеп-тексеру жалғасып жатыр.
