Ирандағы мектепке соққыны Израиль емес, АҚШ жасағаны белгілі болды
Алдын ала тергеу жұмыстары 175 оқушының өмірін қиған шабуылдың нысананы анықтаудағы қателігінің салдары болғанын көрсетіп отыр.
28 ақпанда Иранның оңтүстігіндегі «Шаджаре Тайебе» бастауыш мектебіне АҚШ әскери күштерінің зымыраны түскені анықталды. Алдын ала тергеу жұмыстары 175 оқушының өмірін қиған шабуылдың нысананы анықтаудағы қателігінің салдары болғанын көрсетіп отыр.
Зымыран Ислам революциясы сақшылар корпусының базасына бағыттаған, ал мектеп ғимараты бұрын сол базаның бір бөлігі болған. Яғни АҚШ Орталық қолбасшылығының офицерлері соққы жасауға арналған нысан координаттарын Пентагонның Барлау басқармасы берген ескірген деректерді пайдаланып жасаған. BBC талдауы мектептің жанындағы әскери базаға америкалық Tomahawk зымыраны соққы бергенін көрсетті.
Мектеп 28 ақпанда АҚШ пен Израиль операциясының алғашқы күні зымырандық шабуылға ұшыраған.
АҚШ-тың ресми ұстанымы: Бастапқыда Ақ үй бұл шабуылға қатысы жоқ екенін мәлімдеген болатын. Алайда, соңғы мәліметтерге сәйкес, АҚШ әскери тергеушілері бұл соққыны америкалық әскери күштердің жасаған болуы мүмкін деген болжамды қарастырып жатыр. Тергеу ресми түрде әлі аяқталған жоқ.
Трамптың мәлімдемесі: АҚШ президенті Дональд Трамп оқиғаға қатысты жауапкершілікті Иранның өзіне жүктеді.
Иранның айыптауы: Иран билігі (соның ішінде СІМ басшысы Аббас Аракчи) бұл шабуыл үшін АҚШ пен Израильді тікелей айыптап отыр.
Шабуыл 2026 жылдың 28 ақпанында болды. Түрлі мәліметтер бойынша, қаза тапқан оқушылар саны 175-ке дейін жетті. Сондай-ақ жарылыстан мектеп мұғалімдері мен қызметкерлері де опат болған.
