Алматыда таңертең жер сілкінді. Тұрғындардың ұялы телефондарына жерасты дүмпуі туралы ескерту хабарламасы келген. Төтенше жағдайлар министрлігінің мәліметінше, жер сілкінісі сағат 9:38-де тіркелген.
Оның ошағы Алматыдан оңтүстік-батысқа қарай 8 шақырым жерде орналасқан.
Дүмпу 3 балға дейін сезілді.
Алдын ала есеп бойынша Қаскелең қаласы мен Боралдай ауылында дүмпу 2-3 балға дейін, Өтеген батыр ауылында 2 балл деңгейінде сезілген.
Жер сілкінісінің нақты сезілу күші қазір анықталып жатыр. Жер сілкінісі Алматыдан оңтүстік-батысқа қарай 8 км қашықтықта болған.
Бұған дейін ел аумағында таңғы сағат 06:32-де сейсмикалық оқиға тіркелгені хабарланған еді.
