Данияр Елеусіновтің не үшін қамауға алынғаны белгілі болды

Астананың мамандандырылған ауданаралық әкімшілік құқық бұзушылықтар жөніндегі соты Олимпиада чемпионы Данияр Елеусіновке қатысты әкімшілік іс бойынша шешім шығарды.

Сот мәліметінше, боксшы алкогольдік масаң күйде көлік тізгіндеп, қатарынан үш жол-көлік оқиғасын жасаған. Алдымен жерасты автотұрағының қақпа тіреуіне соғылған, кейін бір автокөлікпен соқтығысқан. Одан кейін тағы бір көлікке соғылып, соның салдарынан ол көлік үшінші автокөлікті қағып кеткен.

Наркологиялық сараптама Елеусіновтің масаң болғанын растады. Сотта ол өз кінәсін толық мойындаған.

Сот қаулысымен Данияр Елеусінов 20 тәулікке әкімшілік қамауға алынып, 7 жыл мерзімге көлік құралын басқару құқығынан айырылды.