«LRT іске қосылса, автобустардың интервалы 8 минутқа қысқарады» — Жеңіс Қасымбек
Жақын арада елордада LRT желісі іске қосылады. Бұл туралы Астана қаласының әкімі Жеңіс Қасымбектің мақаласында айтылған, деп хабарлайды tiek.kz.
Әкімнің айтуынша, ол қазірдің өзінде сынақ режимінде жұмыс істеп тұр.
«Жоба күрделі және негізінен құрылыс салудағы қиындығы көп жолдан өтті. Әр жылдары құрылыс жүрмей, тоқтап қалды, оның болашақ тағдыры күмән тудырды, тіпті қазірдің өзінде салынған құрылымдарды бөлшектеу жұмысы қызу талқыланады. Белгілі бір кезеңде LRT қоғамда ұзаққа созылған «сақалды» құрылыстың символы саналатын нағыз «Сыбайлас жемқорлық қойылыған ескерткішке» айналды. Алайда Президенттің саяси еркі мен шешім қабылдай алуының арқасында жобаның екінші тынысы ашылды. Бүгін құрылыс мәре сызығына жетуде, алдағы айларда елорда тұрғындары мен қонақтары жаңа заманауи көлік түрін пайдалана алады», — дейді әкім.
Сондай-ақ ол LRT-ның іске қосылуы 9 жылдамдықты көлік дәлізін енгізумен бірге қалалық мобильділік тиімділігін айтарлықтай арттыруға мүмкіндік беретінін айтады.
«Қоғамдық көліктің орташа жылдамдығы кептеліс деңгейі ең жоғары сағаттарда 30%-ға артады, ал автобустардың жүру аралығы 8 минутқа дейін қысқарады деп болжануда. Бұл жай ғана көліктің жаңа түрінің пайда болуын ғана емес, елорданың бүкіл көлік жүйесінің сапалы өзгеруін, яғни жылдамдыққа, қауіпсіздікке және технологияның дамуына баса назар аударуды көрсетеді», — делінген мақалада.
