Ақтөстен бастап капибара Бориске дейін: Қазақстанда үй жануарларының ең танымал лақап аттары аталды
Үй жануарларын есепке алудың бірыңғай TAÑBA ақпараттық жүйесі тіркелген жануарлар бойынша өзекті статистиканы жариялады. Цифрлық тізілімнің арқасында қазақстандықтардың өз төрт аяқты достарына қандай есімдерді жиі қоятыны белгілі болды, деп хабарлайды Tiek.kz.
Цифрлық төлқұжат және жалпы статистика
TAÑBA жүйесі жануардың электронды төлқұжатын (лақап аты, тұқымы, жынысы) және медициналық мәліметтерін (вакцинация, стерилизация) бір базаға біріктіруге мүмкіндік береді. Бүгінгі таңда тізілімде 400 мыңға жуық үй жануары тіркелген.
Олардың басым көпшілігі — дәстүрлі үй жануарлары:
-
Иттер — 291 761.
-
Мысықтар — 107 414.
Ең танымал лақап аттардың үздіктер қатары
Жүйе деректері үй жануарларына арналған сүйікті есімдердің өзіндік рейтингін жасауға мүмкіндік берді.
Иттер арасында Ақтөс есімі көш бастап тұр — тіркелген 8 863 иттің есімі осылай аталады. Үздік бестікке Шарик (6 027), Рекс (5 409), Тузик (4 243) және Лайка (4 137) кірді. Сондай-ақ Арлан, Мойнақ, Алапар, Барсик және Барбос сияқты лақап аттар да жиі кездеседі.
Мысықтар арасында Мурка бірінші орында (2 236 мысық). Одан кейін Муся (1 529) мен Барсик (1 491) жайғасқан. Танымал мысық есімдерінің ондығына Мурзик, Соня, Рыжик, Симба, Алиса, Вася және Кузя да енді.
Экзотикалық жануарлар және олардың есімдері
TAÑBA тек мысықтар мен иттерді ғана есепке алмайды. Жүйеде 8 қоян, 4 күзен, сондай-ақ бір тасбақа, декоративті егеуқұйрық, ергежейлі шошқа, аламан және капибара тіркелген.
Олардың иелері лақап ат таңдауда ерекше қиялға ерік берген:
Қазақстанда Айша есімді тасбақа, Томпи атты аламан, Библик деген ергежейлі шошқа, Финик есімді декоративті егеуқұйрық және Борис атты капибара ресми түрде тіркелген. Қояндар арасында Кембридж, Оксфорд, Рафинад және Снежинка есімдері кездессе, күзендерді Пирожок, Умка, Кипиш және Жижа деп атайды.
Болашақта база теңіз шошқалары, шиншиллалар, маймылдар және кірпілермен толығуы мүмкін — оларды есепке алу санаттары жүйеде қазірдің өзінде қарастырылған.
