Науқанның негізгі көрсеткіштері

• Өтінім қабылдау уақыты: 24 маусым – 8 шілде;

• Комиссия отырыстары: 13-21 шілде аралығы;

• Түскен жалпы өтінім саны: 377;

• Грантқа ие болғандар: 164 адам.

Грант көлемі қанша?

Берілетін мемлекеттік гранттың жоғарғы мөлшері 400 АЕК-ті (1 730 000 теңге) құрайды. Бұл қаражат жаңа кәсіпті бастауға немесе қолда бар бизнесті әрі қарай дамытуға жұмсалуы тиіс.

Қандай кәсіп түрлері қолдау тапты?

Грант иегерлері халыққа ең қажетті деген түрлі салаларды қамтып отыр. Қолдау тапқан бизнес жобалардың ішінде мынадай бағыттар бар:

• Азық-түлік өндірісі және қоғамдық тамақтану орындары;

• Тігін, киім өндірісі және қолөнер бұйымдары;

• Сұлулық индустриясы және автосервис қызметі;

• Жиһаз жасау, клининг және тұрмыстық қызмет көрсету;

• Білім беру, әлеуметтік және медициналық қызметтер;

• IT және цифрлық технологиялар;

• Құрылыс және жөндеу салалары.

Грант кімдерге бұйырды?

Бағдарламаның басты мақсаты – қоғамның қолдауды қажет ететін тобына кәсіпкерлікпен айналысуға жол ашу. Осы кезеңде грант жеңімпаздарының басым бөлігін көпбалалы отбасылар (103 адам) құрады.

Одан бөлек қаражат мына санаттағы азаматтарға берілді:

• Ерекше қажеттілігі бар азаматтар – 28 адам;

• Ерекше қажеттілігі бар бала тәрбиелеп отырғандар – 27 адам;

• Асыраушысынан айырылғандар және атаулы әлеуметтік көмек (АӘК) алатын азаматтар.

Нәтижені қалай тексеруге болады?

Комиссияның грант тағайындау туралы қабылдаған шешімдері әр қатысушының business.enbek.kz порталындағы жеке кабинетіне хабарлама ретінде жолданды.

Қосымша ақпарат үшін: Грант беру мәселесі бойынша барлық сұрақтармен Алматы қаласының Еңбек мобильділігі орталығына хабарласуға болады.

Мекенжайы: Алматы қаласы, Достық даңғылы, 85, 2-қабат.