Трамп «Туу туризміне» қарсы жарлыққа қол қойды

АҚШ президенті Дональд Трамп елде «туу туризмі» деп аталатын тәжірибені шектеуге бағытталған екі жарлыққа қол қойды, деп хабарлайды tiek.kz.

Ақ үйдің мәліметінше, құжаттар АҚШ-та бала дүниеге әкелу арқылы оған автоматты түрде азаматтық алу мүмкіндігін шектеуді көздейді.

Сонымен қатар азаматтықты туу арқылы автоматты алуға құқығы жоқ адамдардың санатын кеңейту ұсынылған. Оған дипломаттардың балалары ғана емес, АҚШ «шетелдік жаулар» немесе шетелдік террористік ұйымдардың мүшелері деп санайтын тұлғалардың балалары да енгізілген.

Алайда америкалық бұқаралық ақпарат құралдарының хабарлауынша, бұл жарлықтар маусым айында АҚШ Жоғарғы соты қабылдаған шешімнен кейінгі жаңа әрекет саналады.

Себебі сот бұған дейін азаматтықты туу арқылы алу құқығын шектейтін жарлықты заңсыз деп таныған.

Сарапшылар жаңа құжаттар да сотта даулануы мүмкін екенін айтып отыр.