Үкімет басшысы заңсыз көлік саудасын тиюды тапсырды
Бүгін өткен үкімет отырысында премьер-министр Олжас Бектенов ел аумағына автокөлікті заңсыз әкелу мәселесіне тоқталды.
Айтуынша, бөлігі техникалық және экологиялық талаптарға сай келмейді.
«Қолда бар деректерге сәйкес еліміздің аумағына көлік құралдарын заңсыз әкелу фактілері әлі де тіркелуде. Мұндай көліктердің басым бөлігі техникалық және экологиялық талаптарға сай келмейді.
Соның ішінде кедендік заңнама нормаларын құқықтық қолдану тәжірибесіндегі олқылықтарға да байланысты Қаржы министрлігі Өнеркәсіп министрлігімен бірге он күн ішінде автокөліктердің ел аумағына заңсыз әкелінуіне жол бермеу жөнінде шаралар кешенді әзірлесін. Қолданыстағы заңнамалық нормаларды түсіндіру барысында нақты әрі айқын ұстаным болуы тиіс. Кедендік әкімшілендіру мен техникалық реттеу саласындағы тиісті тәсілдер осы жылдың бірінші қыркүйегінен бастап қолданысқа енгізілуге тиіс. Қабылданып жатқан барлық шаралар бойынша халық арасында түсіндіру жұмыстарын жүргізу қажет», — деп атап өтті үкімет басшысы.
