«Гүрілдеген үні бар»: Конго ормандарынан ғылымға белгісіз жануар табылды
Ғалымдар жануардың дауысын жазып, фотосуреттерін түсіріп, генетикалық сараптама жүргізген.
Конго Демократиялық Республикасының тропикалық ормандарында ғылымға бұрын белгісіз болған маймыл түрі анықталды. Ерекше қызғылт-сары ернімен көзге түсетін примат соңғы 75 жылда Африкада ресми тіркелген бесінші жаңа маймыл түрі атанды, деп жазады Stan.kz.
Конго Демократиялық Республикасының тропикалық ормандарында бұрын ғылымға белгісіз болған маймыл түрі анықталды. Ерекше қызғылт-сары ернімен көзге түсетін бұл примат соңғы 75 жылда Африкада ресми түрде сипатталған бесінші жаңа маймыл түрі саналады.
Конго Демократиялық Республикасындағы Ломами ұлттық паркінің тропикалық ормандарынан ғылымға бұрын белгісіз болған маймыл түрі анықталды. Ерекше қызғылт-сары ернімен ерекшеленетін приматқа Colobus congoensis деген ғылыми атау берілді.
Жергілікті тұрғындар бұл жануарды «Ликвели» деп атайды. Табиғат қорғаушылар оны алғаш рет 2008 жылы байқағанымен, сол кезде тек сапасыз фотосуретке түсіре алған. Арада он жыл өткен соң зерттеушілер маймылды қайта байқап, арнайы экспедиция ұйымдастырды.
Ғалымдар жануардың дауысын жазып, фотосуреттерін түсіріп, генетикалық сараптама жүргізген. Осылайша, оның ғылымға белгісіз жеке түр екені дәлелденді. Зерттеу нәтижелері PLoS One ғылыми журналында жарияланды.
Ғалымдардың пікірінше, маймылдың ашық түсті ерні өзара тануға немесе жұп таңдауға көмектесетін белгі болуы мүмкін. Сондай-ақ бұл түрдің өзіне тән гүрілдеген үні бар.
Зерттеушілер Colobus congoensis өте сирек кездесетінін және тек белгілі бір орман алқаптарында тіршілік ететінін айтады. Бұл жануарлар еті үшін ауланатындықтан, ғалымдар жаңа түр ретінде ресми танылуы оларды қорғауға мүмкіндік береді деп үміттенеді. Айта кетейік, Colobus congoensis – соңғы 75 жыл ішінде Африкада ресми түрде сипатталған бесінші жаңа маймыл түрі.
