Шавкат Мирзиёев қазақ елін жаңа Конституция референдумының табысты өтуімен құттықтады

Оның айтуынша, дауыс беру нәтижесі Қасым-Жомарт Тоқаев жүргізіп жатқан ауқымды реформаларға Қазақстан халқы зор сенім білдіретінін көрсетеді.

Мемлекет басшысы қолдау білдіргені үшін және халықаралық ұйымдар құрамында Өзбекстаннан байқаушылар миссиясын жібергені үшін әріптесіне алғыс айтты.

Қасым-Жомарт Тоқаев жаңа Конституция заман талабына сай келетінін және елдің орнықты әрі жан-жақты дамуына негіз болатынын атап өтті. Тараптар стратегиялық серіктестік пен одақтастық рухындағы қазақ-өзбек қатынастарының қарқынды дамып келе жатқанын айтты.

Президенттер бұған дейін қол жеткізілген келісімдердің іске асырылуын оң бағалап, өңірлік және халықаралық күн тәртібіндегі өзекті мәселелер бойынша пікір алмасты.