Тұтас көшелер отқа оранды: Израиль Ирандағы мұнай нысандарына соққы жасады
Мұнай қоймаларына жасалған соққылардан кейін қала үстінде қою қара бұлттар жиналып, «мұнай жаңбыры» жауған.
ЦАХАЛ 7 наурыз күні кешке Тегерандағы бірнеше мұнай қоймасына соққы жасалғанын хабарлады.
«Ирандық террорлық режимнің әскери күштері бұл энергия резервуарларын әскери инфрақұрылымның жұмысын қамтамасыз ету үшін тікелей және жиі пайдаланады. Ирандық террорлық режим осы қоймалар арқылы отынды әртүрлі тұтынушыларға, соның ішінде Ирандағы әскери құрылымдарға таратады», — деп мәлімдеді ЦАХАЛ .
8 наурыз күні таңертең CNN тілшісі Тегераннан хабарлағандай, мұнай қоймаларына жасалған соққылардан кейін қала үстінде қою қара бұлттар жиналып, «мұнай жаңбыры» жауған.
Шабуыл салдарынан Тегеранда мұнай төгілуінен тұтас көшелер өртеніп жатыр.
Куәгерлер мен жергілікті БАҚ-тардың хабарлауынша, жағдайдың мұншалықты қиындауына мұнайдың қалалық канализация мен дренаж жүйесіне ағып кетуі себеп болған.
