Шекарадан ақша алып өту талаптары өзгереді

Шекарадан алып өтетін қолма-қол ақша мен ақша құралдарын ұстап қалу тәртібі өзгерді. Қаржы министрінің бұйрығына сәйкес, енді бұған құқық қорғау органдары мен Қаржылық мониторинг агенттігінен бөлек, ұлттық қауіпсіздік органдарының мәліметтері де негіз бола алады.

Егер қаражаттың қылмыстық жолмен алынған кірістерді заңдастыруға, терроризмді немесе жаппай қырып-жою қаруын таратуды қаржыландыруға қатысы болуы мүмкін деген ақпарат түссе, оның Еуразиялық экономикалық одақтың кедендік шекарасы арқылы өтуі тоқтатылуы мүмкін.

Ұсталған ақша ақпарат берген органның сұрауы негізінде тиісті мекемеге тапсырылады. Жаңа тәртіп 20-шы қарашадан бастап қолданылады.