Жазушы Шыңғыс Айтматовтың қарындасы дүниеден өтті
Әйгілі жазушы Шыңғыс Айтматовтың қарындасы, Қырғызстанның қоғам қайраткері Роза Айтматова 89 жасында өмірден өтті, деп хабарлады tiek.kz.
Қаралы хабар Шыңғыс Айтматов атындағы қордың желідегі парақшасында жарияланды.
«Роза Айтматованың 89 жасында өмірден озғанын өкінішпен хабарлаймыз. Роза Төреқұлқызы туралы жарқын естелік жүрегімізде мәңгі сақталады», – делінген қордың хабарламасында.
Роза Айтматова – физика-математика ғылымдарының кандидаты, Қырғызстанның еңбек сіңірген білім беру қызметкері әрі қоғам қайраткері.
Ол сондай-ақ Әйелдерге көмек көрсету орталығын басқарып, әйелдердің құқықтарын қорғауға және әйелдер көшбасшылығын дамытуға белсене үлес қосқан.
Мәдениет пен ағарту саласына сіңірген еңбегі үшін Роза Айтматова Шыңғыс Айтматов атындағы сыйлықтың лауреаты атанған.
