Тоқаев Қауіпсіздік кеңесінің жаңа құрамын бекітті
ҚР президенті туралы заңға сәйкес, Қауіпсіздік кеңесіне Қасым-Жомарт Тоқаевтың өзі жетекшілік етеді. Қауіпсіздік кеңесінің құрамына президентті есептегенде барлығы 13 адам кіреді.
Оның құрамына вице-президент Ерлан Қарин, Қауіпсіздік кеңесі төрағасының орынбасары Аида Балаева, Құрылтайдың төрағасы Айбек Дәдебай, премьер-министр Олжас Бектенов, президент әкімшілігінің төрағасы Роман Скляр, бас прокурор Берік Асылов, ҰҚК төрағасы Ермек Сағымбаев, мемлекетті күзет қызметінің басшысы Сәкен Исабеков, сыртқы істер министрі Мұхтар Тілеуберді, қорғаныс министрі Дәурен Қосанов, ішкі істер министрі Ержан Сәденов, төтенше жағдай министрі Мұрат Мұханов енді.
Бұл жолы Қауіпсіздік кеңесіне алғаш рет төтенше жағдай министрі еніп отыр. 5 қыркүйекте Тоқаев Қауіпсіздік кеңесі аппаратының басшыларын тағайындады.
