Төтенше жағдайлар министрі ауысты

Мұрат Сейтмолдаұлы Мұханов Қазақстан Республикасының Төтенше жағдайлар министрі лауазымына тағайындалды, деп хабарлады Ақорданың баспасөз қызметі.

«Мемлекет басшысының Жарлығымен Мұрат Сейтмолдаұлы Мұханов Қазақстан Республикасының Төтенше жағдайлар министрі лауазымына тағайындалды», — делінген хабарламада.

Мұрат Сейтмолдаұлы 1985 жылы Маңғыстау облысында дүниеге келген. ҚР ТЖМ Көкшетау техникалық институтын, РФ Азаматтық қорғаныс істері министрлігі Санкт-Петербург мемлекеттік өртке қарсы қызмет университетін бітірген.

Бұған дейін ҚР ТЖМ Маңғыстау облысының Төтенше жағдайлар департаментінің бастығы болып қызметін атқарған.